Аэропортка рейс ачыла

10 ноябрьдән Чаллыдан Бигеш аэропортына кадәр даими автобус рейсы ачыла. Көнгә барлыгы 4 рейс ясау планлаштырыла. Билет бәясе - 75 сум.

Автобус Сөембикә проспекты буйлап хәрәкәт итәчәк. Беренче автобусның шәһәрдән китү вакыты - 3 сәгать 20 минут. Ул аэропортка 4.20 минутта килеп җитә һәм 10 минуттан соң кире маршрут буенча хәрәкәт итә башлый. Икенче рейс - 8.15 минутта, аэропортка килү вакыты - 9.15 минут, автобус кире шәһәргә 10.25 минутта кузгала. Өченче рейс - 16.10 минутта китә, аэропортка 17.10 минутта килеп җитә. Шәһәргә шулай ук 10 минут узгач кузгала. Чаллыдан аэропортка соңгы рейс 22 сәгать 50 минутта кузгала һәм Бигеш аэропортына 23 сәгать 50 минутта килеп җитә. Аэропорттан Чаллыга кире 00 сәгать 15 минутта китәчәк.