Чаллы кешесен танышулар сайтында алдаганнар

Чаллы кешесен танышулар сайтында театрга бару тәкъдиме белән мошенниклар алдаган. Бу хакта ТР буенча Эчке эшләр министрлыгының матбугат хезмәтендә сөйләделәр. 33 яшьлек чаллы кешесе хатын-кыз белән танышу сайтында аралаша башлаган. Онлайн-аралашу үсә башлагач — беренче күрешү турында уйлар барлыкка килгән. Кыз театрга барырга тәкъдим итә, ә ир-ат, үз чиратында, билетларны үзе алачагын белдерә. Таныш булмаган кыз аңа түләү өчен сылтама җибәргән, аның буенча ир ике мең сум акча күчергән. Шуннан соң аңа түләү узмаган дигән хәбәр килә. Ир акча күчерү операциясен кабатлый, әмма сылтама эшләми, ә кыз-элемтәгә чыкмый башлый. Нәтиҗәдә аның 6 мең сум акчасы юкка чыга. Шуннан соң ул полициягә мөрәҗәгать итә, анда «Мошенниклык»маддәсе буенча җинаять эше кузгатыла. Татарстан Эчке эшләр министрлыгы Интернетта таныш булмаган кешеләргә акча күчергәндә яки сатып алганда ышанмаска искәртә.

Чыганак: татар- информ

Фото: ачык чыганаклардан