Шəhри Чаллы

Чаллы мәктәбендә янгын аркасында 629 кешене эвакуацияләгәннәр

Чаллыда 17нче мәктәптә янгын чыгу сәбәпле балаларны һәм персоналны эвакуацияләгәннәр.

Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген көндез 112 ашыгыч хезмәтләрне чакыруның бердәм номерына Рәис Беляев проспектындагы 26нчы номерлы бинада янгын чыгу турында хәбәр килде. 56нчы янгын сүндерү часте урынга килгәч, бинаның беренче катында тәрәзә төбе януын ачыклады», – диделәр Гадәттән тыш хәлләр министрлыгында.

Янгын сүндерү часте килгәнче үк бинадан 573 бала һәм 56 персонал эвакуацияләнгән. Нәтиҗәдә, бер кеше дә зыян күрмәгән.

Хәзерге вакытта белгечләр янгын чыгу сәбәбен ачыклый.

 https://tatar-inform.tatar/news/2019/03/19/182904/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: