Шəhри Чаллы

Чаллыда аквапарк төзелә

Чаллының ике эшмәкәре аквапарк төзелешен инвестицияләргә җыена.

Әмма алар бу объектны икесе ике урында төзергә тәкъдим итә. Бу хакта башкарма комитет җитәкчесе Ринат Абдуллин белдерде.

«Эшмәкәрләрнең берсе — шәһәр яр буе районындагы урынны  (Хәсән Туфан проспекты каршында), икенчесе Чулман проспектында, элек Спорт сарае урнашкан урынны күздә тота. Без бу территорияләрне хуплыйбыз», — дип хәбәр итте Абдуллин.

Башкарма комитет җитәкчесе сүзләренчә, шәһәр администрациясе дәүләт-шәхси партнерлык  шартларында аквапарк төзергә әзер. Иң мөһиме, инвестициянең барлык суммасы кулда булу зарур, ди Абдуллин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: