Шəhри Чаллы

Чаллыда бер хатын кулына бала тоткан килеш машина белән идарә иткән

Аны саклану каешын эләктермәү, регламент таләпләренә туры килми торган тонировка, иминият полисы булмаган өчен җаваплылыкка тартканнар.

Чаллы шәһәрендә бер хатын-кыз кулына бала тоткан килеш машина белән идарә иткән. Шул хактагы видео социаль челтәрләрдә таралды.  Әлеге машина йөртүчене җаваплылыкка тартканнар. Бу хакта Татарстан буенча Эчке эшләр министрлыгы матбугат хезмәтендә хәбәр иттеләр.
Социаль челтәрләрдә таралган видеода сурәтләнгән хатынның кулындагы бала йоклый. Хатын үзе руль артында бара, салонда музыка яңгырый.
«Берничә көн элек социаль челтәрләрдә чыккан видеоязманы өйрәнеп, хокук саклау органнары машина йөртүчене ачыклады. Ул Чаллы шәһәрендә яшәүче 28 яшьлек хатын-кыз булып чыкты. Соңгы өч елда ул 20 тапкыр юл хәрәкәте кагыйдәләрен бозган өчен, шул исәптән балаларны йөртү кагыйдәләрен бозган өчен җаваплылыкка тартылды», - дип сөйләделәр полициядә.

 

https://tatar-inform.tatar/news/2019/04/11/184349/

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: