Чаллы кызы кинога төште

Чаллыдан 10 яшьлек Юлия Гаркавенко 16 серияле телевизион маҗаралы триллерның бер сериясендә уйный.

"Метод" дигән әлеге фильмның режиссеры - Юрий Быков, продюсерлары - Константин Эрнст һәм Александр Цекало, төп рольдә - Константин Хабенский. Реаль вакыйгаларга нигезләнеп төшерелгән фильмда кечкенә шәһәрдәшебез Маша дигән кыз ролен уйный. Фильм Түбән Новгородта төшерелә һәм 2015 елда 1нче каналдан күрсәтеләчәк.

Юлия Гаркавенко 20нче мәктәптә укый, музыка мәктәбендә белем ала, фортепианода һәм гитарада уйный, җыр һәм сәхнә иҗаты белән шөгыльләнә.