Чаллыда аш әзерләү осталыгы буенча инвалид балалар өчен мастер-класс узды

«Татарстан» бизнес-отеленең конференц-залында мөмкинлекләре чикле булган балалар өчен «Мөмкин булган һәм мөмкин булмаган» проект кысаларында мастер-класс узды.Ул инде дүртенче тапкыр үткәрелде.

Бу мастер-класс кысасында катнашучы инвалид балалар өстәл бизәү кебек һәнәр алымнарын өйрәнделәр. Аларга салатлар әзерләү өчен яшелчәләрне кисәргә өйрәнү дәресләре бирелде.

«Мөмкин булган һәм мөмкин булмаган» проектының төп максаты - мөмкинлекләре чикле булган балаларны мастер-класслар һәм тренинглар ярдәмендә тормыштагы социаль-көнкүрештә килеп туган хәлләргә әзерләү. Бу тормыш дәресләре аша балалар тормышта югалып калмаска һәм төшенкелеккә бирешмәскә өйрәнә.