"Демография" милли проекты: гериатрик кабинет Татарстанның һәр районына

Агымдагы ел ахырына кадәр Татарстанның барлык муниципалитетларында да гериатрик кабинетлар ачылачак. Бу хакта ТР Министрлар Кабинетында узган брифингта ТР сәламәтлек саклау министры урынбасары – Казанның Сәламәтлек саклау идарәсе башлыгы Владимир Жаворонков сөйләде.

"Без 2020 ел ахырына кадәр тагын 21 терапия кабинеты ачарга планлаштырабыз. Шулай итеп, безнең алдыбызга республиканың барлык 45 муниципалитетында да гериатрик кабинетлар ачу бурычы куелачак", - дип билгеләп үтте спикер.

Моннан тыш, 2021 елда тагын тугыз терапия Кабинеты җиде медицина оешмасында барлыкка киләчәк, дип ышандырды Татарстан сәламәтлек саклау министры урынбасары.

Гериатрик кабинетлар «Демография» милли проекты һәм «Өлкән буын»региональ проекты буенча булдырыла. Табиб-гериатрлар картлык астения симптомнарын ачыклый һәм төзәтә,шул исәптән ишетү, күрү, хәтернең кискенлеген киметү өстендә дә эшли.

Элегрәк ТР Сәламәтлек саклау министрлыгы өлкәннәрдән өйләреннән чыкмауларын сорады. Бигрәк тә хроник авырулар булган татарстанлыларга үз сәламәтлекләренә сакчыл карарга киңәш ителде.