Кече эшмәкәрләр җирле банкларны сайлый

Чаллының сәүдә-сәнәгать палатасында "Татфондбанкта"гы кыенлыклар вакытында эшмәкәрләргә ярдәм штабы эшли.

Соңгы вакытта халык арасында җирле банкларга ышаныч кимеде дигән сүзләр ишетелә башлады. Бу хакта финанс хезмәткәрләре нинди фикердә соң. "Мин шәһәрдәге банклар вәкилләре белән сөйләштем. Халык, кече эшмәкәрләр республика һәм шәһәр банкларыннан китми, киресенчә җирле банкларга килә икән. Чөнки безнең банкларда, федералларга караганда, счет ачу җиңел, алар белән эшләү уңайлы", - диде Чаллы сәүдә-сәнәгать палатасының финанс комитеты рәисе, Татарстанның атказанган икътисадчысы Венера Иванова.