Салкын тиюдән - сирень

Юкә себеркесен чәчәк аткан вакытта җыеп калыгыз. Аны “свежий” килеш тә кулланыгыз, кышка да әзерләп куегыз. Чәчәкләрне киң авызлы кәстрүл яки мичкәгә салып, кайнар су коегыз да сүлпән утта 30 минут пешерегез. Иң яхшысы – моны иртән ясау, ә кичен җылытып алып, аякларны шул суга тыгып утырырга кирәк. Аяклар суда вакытта, баштан-аяк юрганга төренү мәҗбүри. Шул рәвешле 30-40 минут утырырга кирәк. Тиешле вакыт үткәч, йон оекбаш киеп, урынга ятыгыз. Әлеге төнәтмәнең өстенлеге шунда: аякка гына тәэсир итсә дә, ул бөтен буыннардан тозларны куа.

Сирень – салкын тиюдән
Сирень, меңьяфрак яки юкә чәчәген тигез күләмдә алып, 1 стакан кайнар су коеп, 3-4 сәгать төнәтегез. Сөзгәннән соң 1/4 стакан төнәтмәне ач карынга салкын тигәндә яки малярия чире вакытында эчәргә була.
2 аш кашыгы сирень чәчәген 2 аш кашыгы атланмай белән кушып, ревматизм вакытында кулланырга.
Сирень яфрагын ваклап, яраларга сибәргә дә була.

Зобка тал файдалы
Язын талның яшь яфракларын җыеп, 4 литрлы кәстрүлгә салырга, салкын су салып, сүлпән утка куярга. Яфракларны кәстрүл төбендә куе көрән төстәге аз гына сыеклык калганчы кайнатырга. Ул куелыгы буенча кайма кебек булырга тиеш. Шушы кремны тәүлеккә бер тапкыр, кичен калкансыман бизгә сөртергә кирәк. Дәвалану курсы 3 ай. Нәтиҗәдә, калкансыман биздәге төеннәр (зоб) юкка чыгар.