Шəhри Чаллы

Татарстанда да мәктәпләр карантинга ябыла

15 мәктәп, 20 сыйныф... Көзге каникуллар вакытында узар дип көтелә.

Татарстанда грипп һәм ОРВИ белән авыручылар саны сезонлы арту сәбәпле, 15 мәктәптә 20 сыйныф карантинга ябылды. Бу хакта «Татар-информ» МА ТР Мәгариф һәм фән министрлыгының Матбугат хезмәте җитәкчесе Алсу Мөхәммәтова хәбәр итте.

«Нигездә бу Казан. Беренче сыйныф – Баулыда, беренче сыйныф-Чаллыда",-дип сөйләде ведомствоның матбугат хезмәте җитәкчесе.

Шул ук вакытта Алсу Мөхәммәтова Татарстанда карантинга тулысынча ябык мәктәпләр юк, дип ассызыклады. «Көн саен хәлне күзәтәбез, салкын тию очраклары белән бәйле рәвештә, балаларның, сыйныфларның ничә саны дистанцион укуга китүен күзәтәбез, – дип өстәде ул. - Роспотребнадзор мәгълүматларына караганда, динамика аз һәм сезонлы авырулар кысаларыннан чыкмый».

Ул шулай ук алга таба да вәзгыять уңайлы һәм укучыларның көзге каникуллары штат режимында – гадәттәгечә 2 ноябрьдән 8 ноябрьгә кадәр дәвам итәр, дигән ышаныч белдерде.

 

Фото: ачык чыганаклардан

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: