Юллар киңәя, тизлек кими

Автомобиль йөртүчеләрне шәһәрнең кайбер юл участокларында яңалыклар көтә.

Әйтик, Яр Чаллы проспектының ашыгыч медицина ярдәме күрсәтү хастаханәсе каршындагы юл участогы тизлекне акрынайту полосасы бәрабәренә киңәячәк. Төгәлрәк итеп әйткәндә, Яңа шәһәргә бару юнәлешендәге бер юл борылмасы алына. Аның урынына чираттагы юл борылмасына кадәрге арада тизлекне акрынайту полосасы билгеләнә.

Шундый ук үзгәреш каршы яктагы юлда - ГЭС бистәсенә бару юнәлешендә дә көтелә. Трамвай депосыннан чыга торган участокта юл борылмасы алынып, аның урынына киләсе юл борылмасына кадәр арага тизлекне акрынайту полосасы ясала.