Зиннәтулла Билалетдинов "Ак Барс" клубының баш тренеры вазифасыннан китә

Сайтта Зиннәтулла Билалетдиновның мөрәҗәгате урнаштырылган. "Бу 14 ел дәвамында минем белән эшләгән һәркемгә, һәр уенчыга, трибунага килгән һәр җанатарга рәхмәтлемен. Бу команда мәңгегә минем йөрәгемдә калачак. "Ак Барс"ны яхшы киләчәк көтә. Мин моңа шикләнмим!", ди тренер. Билалетдинов чорында "Ак Барс"лар өч тапкыр Гагарин кубогын отты. 2009, 2010, 2018 елларда Гагарин кубогы Казанга кайтты. Шулай ук клуб 2006 елда суперлига чемпионы булды.

http://matbugat.ru/news/?id=25097