Яңалыклар тасмасы
Татарстанда көчле җил, буран һәм бозлавык көтелә
Татарстанда көчле җил, буран һәм бозлавык көтелә, дип хәбәр итә Татарстан Гидрометеорология һәм әйләнә-тирә мохитне күзәтү идарәсе матбугат хезмәте. 23 апрельдә төнлә һәм көндез республика территориясендә урыны белән җилнең секундына 17 метрга кадәр көчәюе, шулай ук урыны белән буран һәм юлларда бозлавык көтелә.
Һава торышының тотрыксыз булуы алдагы атна буе күзәтеләчәк. Синоптиклар 1 май бәйрәме алдыннан җылытачак диләр, әммә бәйрәм көннәрендә салкын кырау көтелә икән. Шулай ук койма яңырлар майның беренче ункөнлегендә булуы бар. Белгечләр ачык җиргә яшелчәләр, бәрәңге утыртуны 9майдан соң башкарырга кирәк дип саныйлар.
Следите за самым важным и интересным в Telegram-каналеТатмедиа
Нет комментариев