Интернет аша машина сатып алырга уйлаган Чаллы кешесе 440 мең сум акчасыннан колак каккан

09.11.2017 15:21 | Яңалыклар тасмасы Печать

Интернет аша машина сатып алырга уйлаган Чаллы кешесе 440 мең сум акчасыннан колак каккан
Интернет аша машина сатып алырга уйлаган Чаллы кешесе 440 мең сум акчасыннан колак каккан, дип хәбәр итә Татарстан Республикасы буенча Эчке эшләр министрлыгы матбугат хезмәте. 29 яшьлек ир-ат полициягә мөрәҗәгать итеп, интернет-сайтларның берсендә автомобиль сатылуы турында бер игъланга юлыгуын әйтә. 
Сатучы белән элемтәгә кереп, ул әлеге машинаны сатып алырга теләге барлыгын белдерә. Килешү шартлары буенча, ул аның банк счетына 440 мең сум акча күчерә. Шуннан соң аферист элемтәгә чыгудан туктый. Әлеге факт буенча РФ Җинаять кодексының 159 нчы маддәсе («Мошенниклык») нигезендә җинаять эше кузгатыла. Аферистларның абонент номерлары Тула өлкәсендә теркәлүе ачыклана.
 


Будь в курсе последних событий! Читай tatmedia.ru


Добавить комментарий

Защитный код
Обновить

В Республике