Вакцинация ясатуны тизрәк тәмамларга кирәк

– Миндә Татарстан район –шәһәрләрендә бу эшнең барышы турында мәгълүматлар бар ( мәгълүматлар 18 майга). Кызганычка каршы, план буенча прививка ясатылган лидерлардан процент буенча без калышабыз. Халыкның 24-27, 31%ы вакцина ясаткан территорияләр бар.  Бездә бу күрсәткеч – 15,7%. Республикада уртача күрсәткеч -  16,5%. Без хәтта бу санга да җитә алмадык. Эшне активлаштырырга кирәк. Хезмәт коллективларында, халык арасында коронавриусны вакцина ясатып кына җиңеп булачагын аңлатырга кирәк. Эпидпроцессны туктату өчен халыкның  60-75%ы вакцина ясаткан булырга тиеш. Әлеге эшне тизрәк тәмамласак, без гадәти режимга да тизрәк күчәбез. Халык шуны аңласын иде, - диде ул.

Җирле Роспотребнадзор коллективының  55%ы вакцина ясаткан.