Орлыклар тизрәк тишелеп чыксын өчен нишләргә?

Моңа исә туфракның температурасын күтәреп, ирешергә була, ди тәҗрибәле бакчачылар. Әгәр ул 28-32 градус тәшкил итсә, борыч 8-10нчы көнгә, шул ук температурада баклажан һәм томат 6-7 һәм 4-5нче көнне тишелеп чыгачак.

Әгәр температура түбәнрәк икән, орлыклар шытуы берничә көнгә тоткарлана. Шул ук вакытта ул 40-42 градустан артса, орлыклар юкка чыгачак. Әгәр туфрак җылылыгы 20 градустан да ким булса, борыч һәм баклажаннарның бөтенләй чыкмавы, ә помидор үсентеләренең нибары 15-17 көннән генә күренүе мөмкин.

Туфракның температурасын белү өчен исә кибетләрдә махсус термометрлар сатыла. Аларны, гадәттә, 5 минутта орлык чәчелгән җиргә төшереп үлчиләр. 

фото: https://ru.freepik.com