Суганны ничек сакларга?

– Көзге суганнар минем, алар язгы суганнардан иртәрәк өлгерә бит. Язгы суганнарны, гадәттә, июльнең соңгы яки августның беренче атнасында алабыз. Йолкыгач, 2-3 көн җирендә яткырам мин. Ни өчен дигәндә, кояш карасын, зарарсызландырсын дип. Аннары инде йә сарайга, йә гаражга ташып җәябез. Бу яхшылап кибеп бетсен өчен эшләнелә. Кыякларын сентябрь аенда, өйгә алып керер алдыннан гына кисәбез. Картон тартмаларда саклыйбыз. Әни үзе утыртып суган-севок ясаганда, бик яхшы, эре, бәбәксез (стрелка) була иде суганнар. Хәзер әни олыгайды, севокны сатып алабыз, – дип яза тәҗрибәле бакчачы.