Апрель аена намаз вакытлары

           ӘБИЕМ НАМАЗ УКЫЙ

Дога кылып, чын күңелдән

Әбием намаз укый.

Дисбе тарта, нур бөркелә,

Әбием намаз укый.

Ак яулыгы – ак фәрештә,

Сүзләре алтынга тиң.

Күзләрендә нур чишмәсе,

Иркәлидер кебек җил.

Алла ризалыгын теләп,

Әбием намаз укый.

“Бәхетле булсын балам” дип,

Изге теләкләр сорый.

Дога кылып, чын күңелдән

Әбием намаз укый.

Дисбе тарта, нур бөркелә

Әбием намаз укый.

Әминә ГАРИФУЛЛИНА. Мамадыш районы, Урта Кирмән авылы.