Мәдрәсә төзелеп бетә
“Нур-Ихлас” мәчете янындагы ислам, гарәп каллиграфиясе нигезләрен өйрәтү курсларын оештыру өчен уку корпусы төзелеше тәмамланып килә. Мәдрәсә быел ачылырга да мөмкин.
Ике катлы бинада алты сыйныф, ике торак бүлмә була. Аларның берсендә мәчет имамы яши, икенчесе әлегә буш. Беренче кат ирләргә, икенче кат хатын-кызлар өчен бирелә.
Әле бүлмәләргә керү өлешендә эшләрне тәмамларга, шул исәптән, хәрәкәт итү мөмкинлеге чикле кешеләр өчен пандус яки күтәрткеч төзергә һәм территорияне төзекләндерергә кирәк. Шәһәрнең имам-мөхтәсибе Әлфәс Гайфуллин әйтүенчә, бу эшләр башкарылса, мәдрәсә быел, җитешмәсәләр, киләсе елга ачыла. Мәдрәсә мәхәллә кешеләре биргән сәдака акчаларына төзелә.
Фото: nashichelny.ru
Следите за самым важным и интересным в Telegram-каналеТатмедиа
Нет комментариев