2 сабый үлеменә китергән янгынның сәбәбе билгеле

43/14 йорты фатирында чыккан янгынның сәбәбе билгеле. Экспертиза нәтиҗәләре әзер. Белгечләр аш булмәсе өстәлендә тәмәке һәм зажигалка тапты. Бүлмәдә шырпылар булуы да ачыкланды.

Исегезгә төшерәбез, янгын 4нче августта 3нче каттагы 1 бүлмәле фатирда чыкты.Иң башта балкон дөрләп яна башлый. Өйдә ул вакытта 2 һәм 4 яшьлек сабыйлар була. Әниләре үзләрен генә калдырып, кибеткә чыгып киткән. Әтисе дә өйдә булмый. Коткаручылар янгынны сүндерә, әмма ике сабый гомерен саклап кала алмады. Балалар төтен исенә тончыгып һәлак була.