Чаллы урманында өч хатын-кыз адашкан

Кичә 16.44 сәгатьтә 112 номерына Чаллы янындагы урманда өч хатын-кызның адашуы хакында хәбәр килгән. Урынга кинологлар белән бергә коткаручыларның кизү сменасы юл тоткан – алар 20 квадрат километрга якын мәйданда урманны тикшергән һәм кичке җиделәр тирәсендә адашкан хатын-кызларга юлыккан. Аларның барысын да урманнан алып чыкканнар, дип хәбәр иттеләр Россия Гадәттән тыш хәлләр министрлыгының ТР буенча Баш идарәсе матбугат хезмәтендә.