Зифа Кадыйрованың яңа китабы чыкты

Халык яраткан язучы Зифа Кадыйрованың күптән көтелгән яңа китабы чыкты.  «Урланган яшьлек» китабы 10 мең данәдә басылды. Тиздән аны китап кибетләреннән сатып алырга мөмкин булачак.

«26 апрельдә «Нур» театрының «Фатыйма» спектакле көнне Сара Садыйкова исемендәге концертлар залында да китап сату оештырылачак. Иҗатымны яратучыларга шунда «Урланган яшьлек» китабын да тәкъдим итәргә җыенабыз», – диде Зифа ханым. Ул яңа китапны укучыларым ничек кабул итәр икән дип борчыла. Без бу китапның да мавыктыргыч, бер сулышта укыла торган икәнлегенә ышанабыз.