Шəhри Чаллы

1 августтан гражданнар физкультура-сәламәтләндерү хезмәтләре өчен салым буларак тотып калынган акчаларны кайтара алачаклар

1 августтан физкультура-сәламәтләндерү хезмәтләре өчен салым буларак тотып калынган акчаларны кайтара алу мөмкинлеген бирә торган закон үз көченә керә.

Дәүләт Думасы депутаты, Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина болай дип шәрехләде: «Дәүләт Думасы тарафыннан агымдагы елның мартында кабул ителгән закон 1 августтан гамәлгә керә һәм спорт белән шөгыльләнү һәркем өчен кулайрак булачак. Бигрәк тә пандемия вакытында кешеләрне сәламәтләндерү, сәламәтлекне саклау мөһим мәсьәлә».
Тотып калынган акчаны алу өчен физкультура-сәламәтләндерү хезмәтләре өчен түләүгә факттагы чыгымнарны раслаучы документлар тапшырырга кирәк булачак.
«Аеруча, мондый исәп-хисапны үзең өчен генә түгел, балалар өчен дә алу мөмкинлеге булуы мөһим дип саныйм. Бу үсеп килүче буынның сәламәтлеген ныгытуга ярдәм итәчәк», - дип билгеләде Когогина.
Салым кодексына кертелгән төзәтмәләр нигезендә, салым түләүченең физкультура хезмәтләре күрсәтүгә факттагы чыгымнарыннан чыгып бирәчәкләр, әмма бер салым чоры кысаларында 120 мең сумнан артык түгел.

http://nabchelny.ru/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: