30 елдан сукырлар өч тапкыр артачак

Lancet Global Health журналында басылган тикшеренү нәтиҗәләрендә 2050 елга дөньяда сукырлар санының өч тапкыр артачагы хәбәр ителә. Галимнәр раславынча, 2015 елда планетада яшәүче 7,33 миллиард кешенең 36 миллионы сукыр булган. Фаразлар буенча, 2020 елга аларның саны 38,5 миллионга җитәчәк. Янә 30 елдан сукырларның 115 миллион кеше булачагы көтелә. Мондый үзгәрешләрне тикшеренү авторлары дөньядагы халыкның картаюы. андыйлар өлешенең артуы белән аңлата. Сукырлар һәм начар күрүче кешеләрнең иң күбесе Көньяк Азия, Сахарадан көньяккарак урнашкан Африка илләрендә яши икән. ///kiziltan.ru///