42 яшьлек хуҗабикә кунагына пычак белән ташланган

Вакыйга Чаллыда яшәүче 42 яшьлек хатын-кыз фатирында була. Ул кунакка 44 яшьлек ир-атны чакыра. Икесе бергә исерткеч эчемлекләр куллана алар. Соңыннан хуҗабикә кунакның китүен таләп итә башлый. Ир-атка, күрәсең, мондый мөнәсәбәт ошамый. Ул хатын-кызны этеп җибәрә. Хуҗабикә исә йортта кем “чын” хуҗа икәнен күрсәтергә була. Кулына пычак тотып ир-атка ташлана: тәненең 3 урынына кадый. Кунак кеше урында ук җан бирә. 

Хәзерге вакытта тикшерү эшләре бара. Хатын-кыз үз гаебен тулысынча таныган. Аңа карата Тикшерү комитеты җинаять эше кузгатты.