515 килограммлы пәхләвә

Төркиядә дөньяда иң зур пәхләвә пешергәннәр. "EuroNews" хәбәр итүенә караганда, гигант татлы ризыкның авырлыгы 515 килограмм. Бу - әлеге вакытка абсолют дөнья рекорды, ул Гиннессның рекордлар китабына кертелгән. -- Шундый кулинар рекорд куюыбызга без бик шат, -- ди кулинар Мәхмәт Кандур. Иң зур пәхләвәне пешерүдә ике дистәгә якын кеше катнашкан. Татлы ризыкны пешерү өчен 150 килограмм май һәм 80 килограм чикләвек кирәк булган. Нәтиҗәдә, 12 мең кеше авыз итәрлек пәхләвә әзерләнгән.