9 май көнне Чаллыда транспорт хәрәкәте кайларда чикләнәчәк?
Бөек Ватан сугышында Җиңүнең 74 еллыгына багышланган бәйрәм чаралары үткәрелүгә бәйле рәвештә, 9 майда юлларның берничә участогында хәрәкәт чикләнәчәк.
7:00дән 11:30га кадәр Муса Җәлил проспектыннан ике юнәлештә дә Казан проспектыннан Үзәк урамына кадәр, 14:30дан 16:00 сәгатькә кадәр – Хәсән Туфан проспектыннан ике юнәлештә дә Тынычлык проспектыннан алып Раскольников урамына кадәр юл ябыла. 18:00дән 20:00 сәгатькә кадәр Хәсән Туфан проспекты буенча Чулман проспектыннан алып Раскольников урамына кадәр ике юнәлештә дә хәрәкәт чикләнәчәк.
Бу көнне җәмәгать транспорты 24:00 сәгатькә кадәр йөриячәк.
Следите за самым важным и интересным в Telegram-каналеТатмедиа
Нет комментариев