АКШта Татарстан эшмәкәренең медальләрен урлаганнар

Эшмәкәр-кондитер тормыш иптәше белән арендага алынган автомобильне түләүле машина кую урынында калдырып, җирле кафега төшке аш ашарга кереп киткән. Аннан чыккач Сан-Францискода түләүле машина кую урынының бик үк ышанычлы җир түгеллегенә инанганнар.

— Ашадык дип атала инде… Велосипед юк, тәгәрмәчләр, кием-салым салынган чемоданнар, спорт киемнәре, башка сумкалар һәм IRONMAN Santa Rosa медальләре юкка чыккан. Полиция хезмәткәрләре килмәде, участокка үзебезгә барып, гариза язарга туры килде, — дип язып куйган эшмәкәр үзенең  Facebook битендә.

Билгеле булганча, Сергей Акульчев гаиләсе белән чит илдә узучы Ironman дип аталучы, үз эченә төрле спорт төрләрен кертән ярышларда даими катнаша.