Әнисен лифтта үтергән егет турында яңа мәгълүмат бар

Казандагы фаҗига бөтен республиканы тетрәндерде. Төрмәдән чыккан 33 яшьлек ир-ат әнисенә һәм үги әтисенә пычак белән ташланды (тулырак монда)

"Әтисе караватка ава, әнисе коридорга чыгып йөгерә. Улы куып тотып, кулындагы ике пычак белән тагын берничә кат кадый. 55 яшьлек хатын-кыз урында җан бирә", - ди ТР Тикшерү комитеты башлыгының өлкән ярдәмчесе Андрей Шептицкий.

Зыян күргән 52 яшьлек ир-ат исән. Аны хастаханәгә озаталар. Җинаятьтә гаепләнүче егет кулга алынды. Бүген фаҗига булган фатирда тикшерү комитеты белгечләре эшләде. Әлеге факт буенча җинаять эше кузгатылды.

Мондый җинаятькә нәрсә этәргеч булган - әлегә билгесез. Гаепләнүче сөйләми. Араларында тавыш-гауга чыгуы ихтимал, ди тикшерүчеләр. Егетнең наркотик матдә куллануы билгеле.