«Апам фатирында пропискада торам, мин анда яши аламмы?»

Сорау: Минем туган апам инде берничә ел безнең шәһәрдә яшәми, аның фатиры буш тора. Безнең мөнәсәбәтләр бик үк яхшы түгел, аралашмыйбыз. Тик мин аның фатирында пропискада торам. Мин ул фатирга кереп яши аламмы? Хәзерге вакытта мин матди яктан бик авыр хәлдә калдым, яшәр урыным юк. 

Жавап: Сез, әлбәттә, бу фатирда яшәүгә һәм апагызның фатирны файдалануга комачау итмәвенә дәгъва белдерә аласыз. Тик туганыгыз, мөгаен, үз чиратында, сезнең фатирдан файдалану хокукы югалганын тану турында каршы дәгъва белән чыгар. Бу судлашуның нәтиҗәсе нинди булачагын әйтүе авыр. Тик хосусыйлаштырган вакытта сез инде пропискада булгансыз, әмма хосусыйлаштыруда катнашмагансыз икән, сез гомер буе фатирда яшәү хокукына ия.