Ара-тирә ач тору кешене акыллырак итә

Галимнәр ачыш ясаган: ара-тирә ач тору адәм баласының акылын үстерә икән.
Акыл арту бу очракта нәрсә белән бәйле дисезме? Кеше ач торганда аның баш миенең күзәнәкләре яңара, димәк, уйлау сәләте яхшыра!
Ач торганда барлыкка килә торган грелин дип аталган пептид гормоны баш мие күзәнәкләрен саклау, яңарту эшен башкара икән.
Әлеге гормонны галимнәр тычканнарның баш миенә кертеп караган. Тычканнарның баш миендә нейрогенез - яңа күзәнәкләр барлыкка килүе һәм эшли башлавы күпкә көчәйгән.
Кимерүчеләрнең хәтере һәм яңа материалны үзләштерү сәләте арткан.

https://kiziltan.rbsmi.ru/articles/obchestvo/ara-tir-ach-toru-keshene-akyllyrak-it/