Аргентинага бала табарга киткән хатынның гомере өзелгән

Аргентинада 29 яшьлек Уфа хатын-кызының мәете табыла. «Комсомольская правда» газетасы хәбәр итүенчә, ул  узган елның сентябрендә кияүгә чыга. Ире белән бергә башта Грузиягә, аннары Төркиягә китә. Авырга узгач баланы Аргентинада табарга уйлый. Бала тапкач, хатын туган иленә кайтырга тели, ләкин ире моңа каршы була. Шул вакытта ир белән хатын арасында еш кына бәхәсләр чыга. Чираттагы низагтан соң хатын-кыз яңа туган сабые белән бергә тәрәзәдән егылып төшә. 

Полиция хатынның үлемендә иренең катнашы булырга мөмкин дип фаразлый. Һәлак булган хатынның туганнары әйтүенчә, аның үз-үзен үтерү ихтималы юк диярлек. Соңгы тапкыр 26 августта туганнары белән сөйләшкәндә, кыз кияүгә чыкканына үкенүен әйткән.