Атаклы спортчы, экс марафончы Аеш егете үз призына бәйге оештырды

Актанышта шушы районың Аеш авылында туып үскән, хәзер Яр Чаллыда яшәүче җиңел атлетика буенча спорт остасы, РСФСРның халыклар Спартакиадасында марафон Чемпионы, 1975 елда СССРның иң көчле 25 җиңел атлетлар исәбенә кергән Фирдәвис Шәем улы Шәемов призына кросс үтте. Кроссны үткәрүдә Актаныштан чыккан күренекле шәхесләр ярдәм итте.Шул исәптән"Шәһри Чаллы" газетасы редакциясе дә.

Бәйгедә район мәктәпләре, Актаныш технология техникумы студентлары командалары көч сынашты, шулай ук ветераннар өчен дә ярышлар оештырылды. Фирдәвис ага мондый йөгерү ярышларын ел саен уздыра. Узган аның туган нигезенә истәлек тактасы да куелган иде.