Һава торышы: салкын көннәр әлегә саклана

Чаллыда 10 нчы декабрьдә алмашынучан болытлы һава көтелә, явым-төшемсез. Җил төньяк-көнбатыштан, төньяк-көнчыгышка үзгәрүчән секундына 3-8 метр тизлектә. Минималь һава температурасы төнлә, иртән -17..-20, аязган вакытта -28 градуска кадәр. Көндез максималь һава температурасы -10..-14 градус. Юлларда бозлавык.

Татарстан Республикасы территориясендә 3 декабрьдән башлап һава температурасы климат нормасыннан 9-16 градуска түбән, минималь температура -20..-25 градуска кадәр булган аномаль-салкын һава торышы урнашты, аерым районнарда -28 градуска кадәр. Аномаль-салкын һава торышы республикада 2020 елның 10 декабренә кадәр сакланачак.