Автозавод районында зур чүплек оештырганнар

Автозавод районында төзелеш һәм көнкүреш калдыкларын тыелган урынга ташлаганнар. Санкцияләнмәгән чүплекне Чаллы экологлары ачыклаган. Инспекторлар белдерүенчә, чүплекнең гомуми мәйданы 180 кв.м, күләме - 49 куб м. Белгечләр тарафыннан шәһәр башкарма комитеты адресына табигать саклау законнарының мәҗбүри таләпләренең бозылуы һәм әлеге территорияне чистартырга кирәклеге турында кисәтү җибәрелгән.