Авыл хуҗалыгы ярминкәләре дәвам итә

Чаллыга 12 млн. артык сумман 170 тоннадан артык авыл хуҗалыгы продукциясе китерелгән.

Чаллыда авыл хуҗалыгы ярминкәләре узды. Алар атна саен 3 даими эшли торган мәйданчыкта-Габдулла Тукай яр буенда («Строитель» стадионы каршындагы мәйдан), Ипподром һәм «Южный»агросәнәгать паркы территориясендә уза.

Татарстанның 13 муниципаль районыннан шәһәргә 170 тоннадан артык авыл хуҗалыгы продукциясе китерелгән, барлыгы 12 млн.сумлык, 287 сәүдә ноктасы оештырылган.

Ярминкәләрдә Татарстан Кулланучылар берлеге идарәсе рәисенең инвестицион үсеш буенча урынбасары Тимур Сәйфуллин булды. Киләсе авыл хуҗалыгы ярминкәләре 5 декабрьдә шул ук мәйданчыкларда узачак.

Чыганак: Яр Чаллы шәһәренең рәсми сайты