Авыл хуҗалыгында хезмәтне саклау буенча яңа кагыйдәләр үз көченә керде

Кагыйдәләр үсемлекчелек продукциясен үстерү, урып-җыю һәм урып-җыюдан соң эшкәртү, авыл хуҗалыгы хайваннарын һәм кошларын карау һәм  сугару эшләре һәм җитештерүнең юынты суларын чистарту һәм авыл хуҗалыгы продукциясен беренчел эшкәртү буенча җитештерү процессларын оештыру һәм үткәрү таләпләрен билгели.

Кагыйдәләрдә авыл хуҗалыгы эшләрен башкарганда, җитештерү биналарына һәм эш урыннарына, АПКда технологик процессларга карата персоналның хезмәт куркынычсызлыгына карата таләпләр, шулай ук чимал, материаллар, әзер азык-төлек һәм калдыкларны ташуда таләпләр бар.

Кагыйдәләрдә төрле эш төрләренә карата таләпләр җентекләп тасвирланган һәм теге яки бу ситуациядә ничек эшләргә кирәклеге турында төгәл инструкцияләр бар. Әйтик, теплицаларда һәм парникларда барлык төр эшләр башкарганда, йомшак табанлы аяк киемендә йөрү тыела. Яки, әйтик, мал сауган вакытта хезмәткәргә нинди яктан кирәк булуы күрсәтелгән.

Яңа кагыйдәләрдә, алдагылар белән чагыштырганда, АПК өлкәсе хезмәткәрләренең кирәкле хезмәт куркынычсызлыгы дәрәҗәсенә ирешү механизмнары яңадан карала. Моннан тыш, алар риск-юнәлешле алым кертүне күз алдында тота, шулай ук "регулятор гильотина"принцибын исәпкә ала.

Татарстан Республикасы Авыл хуҗалыгы һәм азык-төлек министрлыгы мәгълүматларына караганда, кагыйдәләрне 1800дән артык АПК оешмасы һәм Татарстанның авыл хуҗалыгында эшләүче 60,5 мең кеше үз эченә алачак.