Чаллы балалар театр коллективлары җиңде

Буа дәүләт драма театрында XI «НИЯТ-2024» төбәкара татар балалар театр коллективларының фетисваль конкурсының йомгаклау этабы узды. 

Фестивальдә Татарстанның гына түгел, ә башка күрше төбәкләрдән дә театраль коллективлар катнашты.  

Чаллы шәһәренең 1 санлы «Шатлык» балалар бакчасының татар теле тәрбиячесе Гөлчәчәк Гомәрова җитәкләгән «Шатлык» балалар театр коллективы бу бәйгедә беренче урын яулады.

Мулланур Вахитов исемендәге 2нче гимназиянең «Тылсым» театр студиясе (укытучылары Энҗе Шиһапова белән Чулпан Әскәрова) икенче урын алды.