Чаллы биючеләре Казанда зур җиңү яулады

Чаллы кызы Диләрә Миннебаева кичә Казаннан кубок белән кайтты. Бу хакта редакциябезгә Диләрәнең әнисе Гөлнур ханым хәбәр итте.

"Кызыбыз һәм аның биюдәге пары Кирилл кичә Казанда үткән чемпионатта "федераль бию спортының ачык гран-при" стандартында җиңү яуладылар. Балалар инде 4нче ел бергә бииләр. Бу аларның югары дәрәҗәдә үтә торган турнирда беренче тапкыр катнашулары. Анда Россиянең төрле шәһәрләреннән иң көчле биючеләр осталыкларын күрсәтте. Без "2013 һәм аннан кечерәкләр" яшь категориясенә кергәннәр белән ярыштык. Диләрәгә турнирда спорт классына 1,5 балл өстәделәр. Баллар 16 га тулгач киләсе Д категориясе алачак кызыбыз,"- дип уртаклашты Гөлнур ханым.

Диләрә һәм Кирилл "Trivela" мәктәбендә шөгылләнә.

Тагы да кызыклырак яңалыклар - "Шәһри Чаллы" газетасының Телеграмм каналында