Хокук сакчылары әйтүенчә, сәбәбе саксыз эш итүдә.
Чаллы комбикорм заводында 60 яшьлек эшче гомере өзелде. Бер тонналы биг-бэг ташыганда погрузчигы авып, ул аның астында калды.
Хокук сакчылары әйтүенчә, фаҗига кичке якта булган. Шуңа күрә дә дежур эшчеләр куркынычсызлык чараларын күрүгә артык игътибар бирмәгән. Техника йөртүче биг-бэгны ныклап эләктермичә ташыган. Барганда йөк селкенеп погрузчикны аударган. Эшче егылып, астында калган. Әлеге техниканың ишеге эссе һава торышы аркасында салдырылмаган булса, ир-ат исән калган булыр иде, ди хезмәттәшләре. Кичке якта тиз генә ярдәм итүче дә булмаган. Шуңа күрә эшче ашыгыч ярдәм килгәнче җан биргән.
Хәзерге вакытта тикшерү бара. Ир-атның Чаллы элеваторында 3 елга якын хезмәт куйганлыгы билгеле.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев