Чаллы һәм Әлмәттә яшәүчеләр махсус хәрби операциядәгеләр өчен «УАЗ Патриот» сатып алды
Хәрби операция зонасына җибәргәнче, машинага сазлы, карлы, баткак урыннарда тест-драйв оештырганнар.
Татарстанда ялда булган хәрбиләргә «УАЗ-Патриот» автомобиле тапшырдылар. Машинага Чаллы хәрбиләре өчен аларның туганнарыннан һәм якыннарыннан исемле посылкалар да төялгән. Ир-егетләр тиздән махсус хәрби операция зонасына китәчәк. Автомобильне сатып алу һәм аңа капиталь ремонт үткәрү өчен акчаны Чаллы һәм Әлмәт кешеләре җыйган.
«УАЗ – Патриот» махсус хәрби операция зонасында кирәкле нәрсә, дип китерә «Чаллы-24» телеканалы хәрбиләрнең сүзләрен. «Юлсызлык шартларында хәрәкәт итәргә туры килгәндә, бөтен җирдән дә йөри ала торган машина безгә бик зур ярдәм булачак», - дип аңлатты Крас кушаматлы хәрби хезмәткәр.
Следите за самым важным и интересным в Telegram-каналеТатмедиа
Нет комментариев