Чаллы йортларына кайнар су килде

Яр Чаллы җылылык челтәрләре белгечләре торбаларга вакытыннан алда техник сынаулар үткәрү эшен тәмалады. Нәтиҗәдә, бүгенге көнгә инде - 1, 2, 3, 4, 5, 6, 7, 8, 20, 47, 49, 52, 54, 56 комплекслар тулысынча, 26, 27 комплекслар өлешчә кайнар сулы булды.

Предприятиенең матбугат хезмәте белгече Ләйсән Ханова хәбәр итүенчә, сынаулар барышында 23 урында төзексезлекләр ачыкланган. Аларның 12 инде юк ителгән.