Чаллы җитәкчеләре дәүләт бүләкләренә лаек булды

Чаллы Башкарма комитеты җитәкчесе урынбасары, шәһәр икътисады блогы кураторы Наталия Кропотова «Татарстан Республикасы алдындагы казанышлар өчен» орденына ия булды. Җөмһүриятебезнең иң югары дәүләт бүләген шәһәрдәшебезгә Чаллы мэры Наил Мәһдиев Татарстан республикасы көне уңаеннан оештырылган бәйрәм чарасында тапшырды. 

Хөрмәтләнүчеләр арасында “КАМАЗ”ның генераль директор урынбасары Жанна Халиуллина һәм “Чаллы-Икмәге” генераль директорының беренче урынбасары Эдуард Юнысов та бар иде. Алар «Фидакарь хезмәт өчен» республика медале белән бүләкләнделәр. 

фотода Наталия Кропотова