Чаллы көрәшчеләре чемпион булдылар

Казанда көрәш буенча Россия Чемпионаты узды. «Ак Барс» аренасында 43 төбәктән 200дән артык көрәшче җыелды. Алар 60 кг-нан алып 130 кг + категорияләре буенча көч сынаштылар. Нәтиҗәдә Чаллы көрәшчеләре - Азат Габдрәшитов (90 кг), Радик Сәләхов (130 кг), Ранис Гыйләҗетдинов (130+ кг) чемпион дип табылдылар. Хәзер аларны Дөнья Чемпионаты һәм Дөнья Кубогы ярышлары көтә. Ярышларның берсе – 19-23 июньдә Казанда, икенчесе – 5-7 июльдә Мәскәүдә узачак.