Чаллы мәчете төзелешендә Волгодонск белгечләре катнаша

Чаллыда төзелүче “Җәмигъ” мәченең зур гөмбәзен урнаштыра башладылар. Аның диаметры гына 19 метр. Волгодонск предприятиесендә махсус ясаттылар. Шәһәргә кайтарту өчен фуралар белән 25 рейс ясарга туры килде. 

- Гөмбәзне урнаштыру - авыр эш. Аны өлешләп җыячаклар. Аскы өлешенең эчке ягыннан башладылар. Әлеге изге эштә Волгодонск предприятесеннән 4 монтажник та катнаша, чөнки әлеге эштә тәҗрибә кирәк, - ди Попечительлек советы җитәкчелеге. 

Моннан тыш, 2 кече манараны да күтәрәләр. Чиратта - зур манаралар. Көннәр җылыткач, 2 кече һәм зур гөмбәзне тышлауга керешәчәкләр. 

Фотолар Попечительлек советыннан алынды