Чаллы театры директоры бәлага юлыккан

Аяз Гыйләҗев исемендәге Чаллы татар дәүләт драма театрының башкарма директоры Рәсим Хафизов өенә ремонт ясаганда кулын авырттырган. Ашыгыч ярдәм күрсәтү хастаханәсендә аның кулын рентгенга төшергәннәр. Нәтиҗәдә җилкә сөяге зыян күргән. 

Әлегә аның кулын бәйләп куйганнар. «Алда операция. Сөякне җыярга, винт яисә пластина белән беркетергә туры киләчәк. Аннары тернәкләнү, чикләү, үз өстеңдә эшләү кирәк булачак. Иң мөһиме: җиңелмәскә», – ди ул. 

Рәсим Мөхәммәтҗан улына сәламәтлек, операциянең уңышлы үтүен телибез.

Фото скриншот