Чаллыда 20 яшьлек егет баганага бәрелеп үлде

Фаҗига 10нчы июньдә төнге сәгать 11дә Казан проспекты, Тан урамы тирәсендә була. Сарман трактыннан баручы ВАЗ-2114 автомобиле бордюрга килеп менә. Соңыннан әйләнеп, яктырткыч баганасына бәрелә. Инспекторлар әйтүенчә, егет юл хәрәкәте иминлеген тәэмин итүче тизлек белән бармый, шунлыктан руль белән идарәне югалта. Машина йөртүче ашыгыч ярдәм машинасы килгәнче үк җан бирә. Ул куркынычсызлык каешларын эләктермәгән булган. Автомобиль йөртә башлавына да нибары 1 ел. 

Чаллы автоинспекциясенең пропаганда бүлеге фотолары