Чаллыда банк картасы аркасында бер ир-атны хөкем итәчәкләр

Җирдә аунап ятучы кеше әйбере әле синеке дигән сүз түгел. Әмма 43 яшьлек ир-ат башкача фикердә була, күрәсең. Табып алган банк картасын ул рәхәтләнеп куллана. Шәһәр магазиннарына кереп, 6 мең сум бетереп чыга. Карта хуҗасы, SMS-белдерүләр килә башлагач кына, картасын югалтканын аңлап ала. Тизрәк хокук сакчыларына мөрәҗәгать итә. 

Гаепләнүче эзенә бик тиз чыгалар. Ул моңа кадәр дә берничә тапкыр хөкем ителгән булган. Беркайда да эшләми. Аңа карата җинаять эше кузгатылды. Суд утырышы булачак. Ир-атка 6 елга кадәр ирегеннән мәхрүм ителү яный. 

Тагы да кызыклырак яңалыклар - "Шәһри Чаллы" газетасының Телеграмм каналында