Чаллыда чума авыруы? Пациентны хастаханәгә салдылар

Чаллы йогышлы авырулар хастаханәсенә чума авыруын эләктергән хатын-кызны кабул иттеләр. Пациентның хәле юк, башы авырта, култык асты бизләре шешкән, тән температурасы – 39 градус. Моңарчы чит илдә ял иткән. Төлкеләргә ауда катнашкан һәм берсен үтереп тунаган. Чирне дә шуннан йоктырган. Бәхеткә, бу уйлап табылган легенда гына. Табиблар арасында өйрәнүләр узды. 

Аларга симптомнар буенча пациентка диагноз куярга һәм тиешле дәвалану чарасы билгеләргә кирәк иде. Йогышлы авырулар хастаханәсе җитәкчелеге табиблар эшен югары бәяләде.